Ikasenpresa Eusko Jaurlaritzako Hezkuntza Sailak Tknikaren bidez (Euskal Autonomia Erkidegoko Lanbide Heziketako Ikerketa eta Berrikuntza Aplikatuko Zentroa) koordinatutako hezkuntza-programa da. Ikasgelan eskola-enpresak sortzean oinarritzen da, enpresaren mundua ikasgelara hurbiltzeko helburuarekin.

Proiektu honen helburuen artean daude ekintzailetza-gaitasunak garatzea eta indartzea (sormena, berrikuntza, talde-lana, erabakiak hartzea, ekimena, lidergoa, konpromisoa eta determinazioa, negoziazioa, etab.), beste kultura eta gizarte-errealitate batzuetara hurbiltzea sustatzea eta ikastetxeen arteko lankidetza bultzatzea.